Калид Кулибали е пред заминување од Наполи, а сега тоа го потврди и тренерот на Наполитанците Лучијано Спалети.
Според најавите Кулибали наскоро ќе стави потпис на договор со Челзи. Лучијано Спалети во неговата последна изјава го најави заминувањето на одличниот стопер.
„Сакав Кулибали да остане со нас, посебно затоа што требаше да биде капитен во новата сезона и наш лидер. Сепак, ако решил да замине и избрал нешто ново ние ќе му посакем се најдобро затоа што тоа го заслужува. Благодарни сме за се што во изминатите години даде за овој клуб“, изјави Спалети.
Во редовите на Наполи Кулибали пристигна во 2014 и полека прерасна во столб на одбраната на клбуот од Неапол. Информациите на медиумите се дека Челзи за него ќе плати 40 милиони евра.
Коментари
Учество во игри на среќа е дозволено за лица со 18+ години. Играј одговорно!