Сомнителен пенал во продолженија ја однесе Англија во финале🎥

Англија избори историско финале на ЕУРО откако после продолженија ја совлада Данска со 2:1.

Англија подобро го отвори мечот, но Данска го издржа првичниот притисок и дојде до предност со ремек-делото на Дамсгард.

Новата данска ѕвезда изведе фантастичен слободен удар и во 30-та минута го матираше Пикфорд за водство од 1:0. Само осум минути подоцна Стерлинг израмни на 1:1 после фантастичната асистенција на Сака.

Во вториот дел главно гледавме израмнет фудбал, Данска одлично одолеваше на нападите на Англичаните и спорадично се закануваше. Најдобрата шанса ја имаше Мегваер после еден корнер, но Шмајхел запиша одлична одбрана.

Натпреварот замина во продолженија, а клучниот момент се случи во 104-та минута, кога судијата покажа на белата точка, после сомнителниот старт над Стерлинг во казнетиот простор.

Шмајхел го одбрани шутот на Кејн, но топката се одби до напаѓот и погоди за 2:1 и прво финале за Англија на Европските првенства.