Солскјер се жали на судењето: Оштетени сме!

Манчестер Јунајтед синоќа доживеа шокантен пораз на „Олд Трафорд“ од Шефилд Јунајтед (1:2).

Солскјер по мечот изјави дека не е задоволен од реакцијата на својот тим, но за поразот го обвини судијата.

„Првиот гол беше чист фаул од Били Шарп над Де Геа, има контакт и нашиот голман не може да скокне по топката. На другата страна, немаше прекршок при оној поништен гол на Марсијал. Две грешки на судиите,но арбитражата е неконстантна цела сезона“, истакна Солскјер.

„Факт е дека и ние не беевме оние вистинските, имавме посед на топката, но ни недостигаше малку „магија“, да креираме шанси и да постигнуваме голови. Без оглед на се, на овој пораз на треба да се гледа како на нешто страшно, туку на нешто што може да се случи во фудбалот“, додаде Норвежанецот.