Солскјер проговори за можниот трансфер на Халанд

Менаџерот на Манчестер Јунајтед, Солскјер по натпреварот против Евертон истакна дека Ерлинг Халанд донел одлука за својата иднина.

Норвежанецот замина да се сретне со Халанд и претставниците на играчот во петокот за да разговара за негов можен трансфер на „Олд Трафорд“.

Медиумите на Островот тврдат дека Манчестер Јунајтед е прва опција за Халанд и можен е трансфер во јануарскиот преоден рок.

Запрашан како поминала средбата Оле Гунар Солскјер само кратко одговори.

„Нема да коментирам на шпекулациите, тоа е тоа. Халанд знае што сака да прави и знае што ќе направи. Не мора да давам совети на никого од други тимови“, изјави Солскјер.