Солскјер потврди: Погба мора да оди на операција

Францускиот фудбалер Пол Погба повторно е повреден.

Играчот за врска на Манчестер Јунајтед го пропушти натпреварот против Арсенал, а менаџерот на „црвените ѓаволи“ Оле Гунар Солскјер откри зошто.

Погба беше повреден и сега следи операција на стапалото поради која одреден период ќе биде надвор од теренот.

„Советуван беше да оди на операција и тоа веројатно ќе го направи. Надвор од теренот ќе биде три или четири недели, не знам точно“, изјави Солскјер.

Оваа сезона Погба има големи проблеми со повредите. Ова му е веќе трета и настапи само на осум натпревари.