Случајност или не: Пандев е прв во една категорија во Серија А!

Анализата на фудбалската опсерваторија ЦИЕС направи истражување кое во прв план го истакна македонскиот капитен Горан Пандев.

ЦИЕС истражуваше каков учинок имаат тимовите во Италија со одредени фудбалери во првиот тим.

Интересно е што според ова Пандев е на врвот на оваа листа и случајно или не, кога тој е стартер Џенова не губи многу бодови.

Разликата на Пандев кога играл и кога не играл е 1.56 бодови Џенова со Пандев во тимот освојувала по два бода во просек, а кога не играл 0.44 бодови во просек. Веднаш зад Пандев е уште еден играч на Џенова, Никола Споли.

Кога во прашање е Европа најнезаменлив е Криштоф Жале од Ница која има седум од седум победи кога овој фудбалер настапил како првотимец.