Сити со официјален одговор: Изненадени сме

Манчестер Сити излезе со официјално соопштение со кое одговори на обвиненијата кон клубот од страна на Премиер лигата.

Обвиненијата се однесуваат на финансиските информации во врска со приходите, деталите за плаќањето на менаџерите и играчите, кршење на прописите на УЕФА и соработка во истрагата.

Челниците на Премиер лигата документацијата за сите наводни прекршоци кои датираат уште од сезоната 2009/2010 ги проследиле до независна комисија која ќе го истражи целиот случај. 

Истрагата трае веќе четири години и станува збор за над 100 прекршоци кои ги направил клубот, па доколку се покажат како точни „граѓаните“ ги очекува драконска казна.

„Манчестер Сити е изненаден од обвинувањето за наводни прекршувања на правилата на Премиерлигата, особено со оглед на обемниот ангажман и огромната количина на детални материјали која е доставена до ЕПЛ. Клубот го поздравува разгледувањето на ова прашање од страна на независна комисија, за непристрасно да биде разгледана сеопфатната количина на непобитни докази кои ја поддржуваат нашата позиција“.

„Со нетрпение чекаме оваа дилема да се расчисти еднаш и засекогаш“, стои во соопштението.

Club statement

— Manchester City (@ManCity) February 6, 2023