Сите детали познати: Буфон утре се враќа „дома“!

Откако го напушти ПСЖ, Џанлуиџи Буфон се враќа во Јувентус!

Веќе подолг период Буфон се поврзува со враќање во Јувентус, а денес реномираниот италијански новинар Џанлука Ди Марцио објави дека за утре се закажани медицинските прегледи на Буфон.

Така Буфон после кратката авантура во ПСЖ се враќа во Јувентус каде што ќе потпише договор на уште една година после што ќе следи превземање на некоја директорска функција.

И покрај враќањето на Буфон прв голман на Јувентус и наредната сезона ќе биде Шчесни додека легендарниот Италијанец ќе биде резервна опција.

Единствената клазула која ја барал Буфон е онаа која и што се најавуваше – да одигра десет натпревари и тоа негово барање Јувентус го прифатил.

Така Џиџи откако ќе го помине лекарските прегледи ќе потпише договор со Јувентус вреден 1.5 милиони евра.

Gianluigi Buffon is back to Juventus. Total agreement reached for 1 year contract, he’ll have medicals and sign tomorrow. Confirmed. Here we go ✔️ @SkySport @DiMarzio #transfers #Juve

— Fabrizio Romano (@FabrizioRomano) July 3, 2019