Синоќа блескаше против Реал, а денес Барселона призна: Го сакаме!

Претседателот на Барселона, Жосеп Марија Бартомеу призна дека клубот сериозно размислува за ангажман на 19-годишниот дефанзивец на Ајакс, Матијас де Лихт.

Како што е познато Каталонците веќе го купија неговиот соиграч и сонардоник Френки де Јонг за 75 милиони евра и тој од лето ќе се пресели на „Камп Ноу“.

19-годишниот Холанѓанец важи за еден од најперспективните дефанзивци во Европа и е голема желба на Барселона, како и на клубовите од Премиер лигата, Јувентус, Реал Мадрид и Атлетико.

„Трансфер на Де Лихт? На крајот на месец март ќе ги правиме плановите за трансфер пазарот, но неговото име сигурно ќе биде на маса“, призна претседателот на Барселона, Бартомеу.

‼️ OJOOO! Josep Bartomeu confirms to Cadena SER that Matthijs de Ligt 'surely will be on the table' when transfer targets are discussed this month.

Also, Ramon Planés has given Barça the green light to go for him, after seeing him at the Bernabéu yesterday. [@albert_roge, ?] pic.twitter.com/JijJ1H59tp

— Omar ?️ (@Blaugranagram) March 6, 2019

И покрај фактот што неговиот менаџер Мино Раиола преферира да го однесе својот клеинт во Јувентус, сепак Каталонците во овој момент се спремни да му понудат финансиски подобар договор.

„Калчомеркато“ тврди дека на крај пресудна може да биде желбата на играчот, чии прв избор е токму Барселона.

Ајакс за слободата на Де Лихт бара најмалку 50 милиони евра, сума која Барселона нема да има проблем да ја плати. Притоа, познато е дека двата клуба имаат одлични односи што се покажа при трансферот на Френки де Јонг.

Во секој случај, иднината на Де Лихт ќе биде една од „најжешките“ теми во летниот трансфер период.