Силна порака до Кариус: Падот е дозволен, станувањето е обврска!

Убав гест од младиот играч за врска на Реал Мадрид.

Во моментите на големото славје на фудбалерите и навивачите на Реал Мадрид по повод 13-та титула шампион на Европа се издвојува еден убав гест на Дани Себалос, младиот 21 годишен играч за врска на „кралевите“.

Имено, Себалос преку Твитер испрати порака како поддршка до голманот на Ливерпул, Лорис Кариус кој со два кикса му овозможи на Реал да стигне до титулата.

„Падот е дозволен, станувањето е обврска. Само храбро, пријателу. Во фудбалот секогаш имаш втора шанса. Одиме!“, напиша Себалос.

На ова треба да се истакне и дека ако некој знае како е да немаш поддршка тогаш тоа е Себалос кој не се прослави во премиерната сезона во Мадрид.