Се постигнал договор: Конте добива засилување од Парма

Според информациите кои доаѓаат од Италија, Интер и Парма ги завршиле преговорите и на „Џузепе Меаца“ ќе пристигне Матео Дармијан.

Интер за Дармијан ќе плати сума од 2.5 милиони евра. Сега преостанува да се завршат само медицинските прегледи и Интер да го претстави новото засилување, барем така тврдат Италијанците.

Доаѓањето на Дармијан веројатно ќе го активира трансферот на Ранокија во Џенова. Конте не смета на него и тој ќе може да си замине, а Џенова интерес за него покажува веќе подолго време.

Покрај Парма, Дармија во кариерата го носеше дресот на Милан, Палермо и Торино во Италија, но виде и како е да се игра во Премиер Лигата и тоа во дресот на Манчестер Јунајтед.