Се огласи Ноер: Имам голема желба да бидам дел од Мундијалот

Еден од најдобрите голмани во светот, Мануел Ноер се уште се опоравува од тешката повреда на стапалото која ја заработи во септември минатата година.

Чуварот на мрежата на минхенски Баерн се уште е далеку од враќање на терен. Иако операцијата беше успешна Ноер не може да тренира и за него оваа сезона веројатно нема фудбал.

Под голем знак прашалник е и неговиот настап на Светското првенство каде што би требало да биде прв голман на селекцијата на Германија.

„Опоравувањето оди добро, но морам да почекам да бидам целосно здрав. Не знам кога ќе биде 100%, но можам да кажам дека во овој момент сум на 80%. На лентата за трчање успевам со лесно темпо да тренирам“.

„Мојата цел е да бидам спремен за Светското првенство. Верувам дека сум и потребен на репрезентација и имам голема желба да бидам дел од Мундијалот“, изјави Германецот кој во овие момент се одмара на Тајланд.