Се најде некој да го критикува: Дончиќ лошо шутира и цело време плаче кај судиите

Иако има само 21 година Лука Дончиќ игра фантастична кошарка во НБА и најголем дел од спортската јавноста е воодушевена од неговите настапи, но сега се најде и некој кој го критикува.

Дончиќ беше одличен во серијата во плеј-офот против ЛА Клиперси, но неговиот Далас беше елиминиран со 4:2. Новинарот на „Фокс Спорт“, Скип Бејлнс и покрај тоа го критикуваше Словенецот.

„Нема шанси Дончиќ да е помеѓу топ 5 кошаркари во лигата. Погледнете колку лошо шутира и слободни фрлања и за три поени. Кога и да игра одбрана тој е главна мета на противникот и притоа плаче кај судиите на секоја одлука. Богохулие е да се споредува со Лери Бирд“, смета Бејлнс.

There is no way Luka Doncic is a top 5 player. Lousy from 3 and FT line. Targeted on defense by opponents. Whines about every call. Blasphemy to compare him with Larry Bird.

— Skip Bayless (@RealSkipBayless) August 30, 2020

Серијата со Клиперси ја обележи грубиот прекршок на Маркус Морис над Дончиќ (тука), но Бејлнс и тука застана на страна на Американецот.

„Уште еднаш го видовме Дончиќ како го удри Морис со лакт додека оди кон кошот. Тоа ескалираше во неспортски фаул и исклучување на Морис кој на претходниот меч го нагази откако Лука од зад грб го удри Реџи Џексон во глава“, порача Бејлнс.