Се договара борба меѓу Конор и наследникот на Кабиб?

Конор Мекгрегор и понатаму се опоравува од скршеницата на зглобот која ја заработи во борбата против Дасин Порие на почетокот на јули, а на борбите би требало да се врати следната година.

Првиот човек на УФЦ, Дајна Вајт веќе најави негова четврта борба со Порие кој после два технички нокаути го води со 2:1, но постојат и други идеи.

Една од нив е да се бори со Ислам Макачев. Наследникот на Кабиб Нурмагомедов. Во овој момент Макачев е на скор од 20 победи и еден пораз, додека во УФЦ има осум победи во низа и скор од 9:1.

Според германскиот „Билд“ ова е борба која се договара и наскоро би требало да биде договорена.