Серхио Агуеро се повреди, познато колку ќе отсуствува

Фабијан Делф е под знак прашалник, Фернандињо скоро сигурн го пропушта вечерашниот натпревар, Бенџамин Менди уште во септември ја заврши сезоната, Рахим Стерлинг само што се опорави, а сега се повреди Серхио Агуеро.

Најдобриот стрелец и прва ѕвезда на екипата Серхио Агуеро ќе отсуствува околу две недели, откако во текот на еден од тренинзите заработил повреда на коленото.

„За време на вчерашниот тренинг почуствував болки во левото колено. Клупските лекари ми соопштија дека ќе се вратам на теренот за околу две недели“, потврди Агуеро на својот Твитер профил.

Ова веројатно значи дека во вечерашниот натпревар прв после повеќе од два месеци ќе стартува Габриел Хесус кој претходно поради повреда пропушти 12 натпревари.