Сериозно засилување во Автокоманда: Поранешен играч на Рајн Некар Левен потпиша за Металург!

Тимот на Металург не се шегува и во Автокоманда се сериозни во намерата да создадат тим со кој ќе можат да парираат на Вардар и Еурофарм Пелистер. Од Металург го потврдија ангажманот на Момир Рниќ.

Рниќ е искусен 32 годишен ракометар кој во кариерата го носеше дресот на Пролетер, Горење, Целје, Гепинген, Мелсунген и Рајн Некар Левен. Со Металург потпиша договор на една година.

Додека беше во Гепинген и Мелсунген две години по ред беше меѓу најдобрите 10 стрелци во Бундес лигата, додека со репрезентацијата на Србија стигна до сребрен медал на ЕП 2012.

Според информациите и најавите Рниќ е дел од планот на раководството на Металург за ростерот да се засили со уште неколку квалитетни ракометари.