Септемврскиот циклус на квалификации без гостински навивачи

Септемврскиот мундијалски циклус во квалификациите ќе помине без гостински навивачи.

Македонија во септември ќе одигра три натпревари, два дома и еден на гостински терен. Прво на дебито на Благоја Милевски на клупата на 2. септември ќе ни гостува Ерменија, а потоа на 5. ќе гостуваме во Исланд, за да го затвориме циклусот со Романија дома три дена подоцна.

Со донесената одлука македонски навивачи нема да може да патуваат во Исланд, истото секако ќе важи и за Ерменците и Романците.

Ќе потсетиме, Македонија во квалификациите има две победи од три натпревари и тоа една тие победи е против најголемиот фаворит во групата, Германија.