Селекторот на Данска како да ја заборави Македонија во групата за ЕП

На Европското првенство кое се игра во јануари 2022 година Македонија ќе биде во група со Данска, Словенија и Црна Гора.

Рано е да се даваат некакви анализи, но селекторите веќе ги дадоа првите мислења за групата. Интересно е што селекторот на Данска Николај Јакобсен не ја спомна Македонија и покрај поразот кој доживеаа неодамна во Скопје.

„Среќен сум што Франција не е во нашата група, но ме нервира што од последниот шешир се падневме со Црна Гора, тоа беше тимот кој сакав да го избегнеме. Како и да е сигурен сум дека ќе ја поминеме групата ако ние ја играме нашата игра“, изјави Јакобсен.

Инаку, селекторот на Данска неодамна го продолжи договорот со оваа селекција до 2025 година.