„Седмицата“ во Реал Мадрид има нов сопственик

Бројот седум во Реал Мадрид претставуваше голем симбол, „седмицата“ низ историјата на „кралевите“ ја носеа великани како Бутрагењо, Раул, Кристијано Роналдо…Но потоа таа беше на грбот на Маријано Диаз и Еден Азар кои не се прославија во Мадрид.

Заминувањето на Азар од Реал отвори можност овој број да има нов сопственик. Така од идната сезона таа ќе биде на грбот на Бразилецот Винисиус, кој е еден од најдобрите играчи во тимот.

Бразилецот под водство на Анчелоти стана и еден од најдобрите во светот, сезонава имаше учинок од 23 гола и 21 асистенција на 55 натпревари.

Од Реал си заминува и Марко Асенсио кој го ослободи дресот со број 11, па тој сега ќе го носи Родриго.