Седлоски: Сите мислеа дека ќе загубиме, сега не чека реванш пред полн стадион

Фаворизираниот Динамо не успеа да го победи македонскиот шампион Шкупи во првиот натпревар во Загреб (2:2).

Натпреварот на стадионот Максимир заврши 2:2, што значи дека одлуката за патникот во следното коло од ЛШ ќе биде донесена во Скопје следниот вторник.

„Честитки за играчите на двете екипи, навистина врвен натпревар, прав европски. Начинот на кој го одигравме првото полувреме, тоа е она што го барам од моите играчи. Му честитам на колегата Чачиќ за фер и коректната игра, се уште е отворено, има уште 90 минути да се игра во Скопје. Динамо и понатаму е фаворит, не е важен денешниот резултат, се претставивме на добар начин, а сега за реваншот не чека полн стадион“, изјави Седлоски по мечот.

„Сите мислеа дека ќе дојдеме во Загреб и ќе загубиме убедливо, сите знаеме кој е Динамо. Но, мојот тим го даде и последниот атом од силите. Имавме проблеми во Гибралтар, но денеска беше поинаку, затоа фудбалот е интересен. Па, дојдете во Скопје, ќе јадеме ќебапи и ќе видиме кој ќе оди понатаму“, додаде тренерот на Шкупи.