Саудијците го купуваат осумкратниот француски шампион и го крадат клучниот човек на ПСЖ?!

Во францускиот фудбал одекна вест дека фудбалскиот клуб Монако ќе добие нови сопственици и тоа од Саудиска Арабија.

Осумкратниот шампион на Франција веќе неколку месеци е на продажба, а во последните денови се интезевирале преговорите со саудиските инвеститори и одредени детали веќе се објавени во јавноста.

Реномираниот „Л’Екип“ oбјави дека се е договорено и на чело на целиот проект треба да биде Луис Кампос. Тоа е вистински шок за ПСЖ бидејќи Кампос е еден од клучните луѓе во раководството на клубот.

🚨🇵🇹| JUST IN: Saudi Arabia is keen to buy AS Monaco, and they want Luís Campos to be the main headliner of their project. Saudi wants to make Campos the President of AS Monaco, if they buy the club. @lequipe pic.twitter.com/lHhyflr0A4

— PSG Report (@PSG_Report) June 23, 2024

Искусниот 59-годишен Португалец во Монако би требало да биде именуван за претседател на клубот и да добие одврзани раце за клубот од Кнежеството да го врати во врвот на европскиот фудбал.

„Л’Екип“ најави дека ПСЖ ќе бара објаснување за ваквите наводи од Саудијците, а состанокот наскоро ќе биде одржан.

Saudi Arabia are planning a takeover of AS Monaco and want to make Luis Campos the club’s President! PSG could be asking him for explanations in the next few hours. [@lequipe] pic.twitter.com/4cT61NWG2y

— Football Talk (@FootballTalkHQ) June 24, 2024