Сари: Се уште веруваме во Скудето!

Тренерот на Наполи, Маурицио Сари не беше среќен поради ремито со Интер на „Џузепе Меаца“ бидејќи ја загуби лидерската позиција на табелата.

Во последните два меча Наполи освои само еден бод, па сега Јувентус има шанса да замине на четири бода предност на табелата.

„Не бевме далеку од успех. Имавме неколку добри шанси, особено во второто полувреме. Меѓутоа, ако Јувентус ги добие сите останати натпревари до крајот на сезоната можеме само да им аплаудираме“, истакна Сари.

„Ние не сме најбогатиот тим во Италија, но ќе се бориме до крај. Продолжуваме да веруваме во Скудетото и ќе го дадеме најдоброто од себе до крајот на сезоната“, додаде италијанскиот тренер.