Дома Фудбал Сари: Полесно се стига до финалето во Лига на шампионите, отколу до финалето во Лига Купот

Сари: Полесно се стига до финалето во Лига на шампионите, отколу до финалето во Лига Купот

Два клуба од Премиер лигата се дел од овогодинешното полуфинале во Лигата на шампионите, а ако го слушате Маурицио Сари тогаш ова натпреварување нема голема тежина.

Ливерпул и Тотенхем ќе играат против Барселона и Ајакс и ќе имаат можност да се изборат за англиско финале. Меѓутоа италијанскиот стратег од клупата на Челзи не е премногу импресиониран од тој податок.

Сари даде чудна изјава која може да се каже и дека наиде на потсмев во фудбалската јавност.

Неговиот Челзи изгуби во финалето на Лига Купот (Карабао купот), а сега Сари верувале или не изјави дека потешко е да се стигне до финалето во ова натпреварување отколку до финалето во најелитното европско натпреварување.

„Англискиот фудбал пред во Премиер лигата е навистина тежок. Ако сакате да играте финале во Лига Купот вие морате да се соочите со Ливерпул, Тотенхем…Ние во финалето игравме против Манчестер Сити. Навистина мислам дека е полесно е да стигнете до финалето во Лигата на шампионите, отколку до финалето на Лига Купот“, гласеше изјавата на Сари со која привлече големо внимание.

Како што споменавме поголемиот дел од јавноста со потсмев ја коментира оваа изјава на Италијанецот, бидејќи никој не верува дека едно домашно натпреварување кое и да било може да има поголема тежина од натпреварувањето во кое се дел најдобрите клубови на „Стариот континент“.

Коментари
Прочитајте поврзани статии
Load More In Фудбал

Проверете

Беласица пред тренерска промена: Цицмиловиќ поднесе оставка пред дуелот со Охрид

Раде Цицмиловиќ се повлече од лични причини, а струмичкиот второлигаш треба да избере него…