Сари го прокоментира доаѓањето на Игуаин

Трансферот на Гонзало Игуан во Челзи е само прашање на време, а тоа сигурно ќе го израдува тренерот Маурицио Сари бидејќи Аргентинецот беше неговата најголема желба.

Сепак, кога беше запрашан дали е договорен трансферот на Игуаин, Маурицио Сари не даде конкретен одговор и истакна дека тој не се меша во трансферите.

„Сакам да бидам јасен затоа што не можам да ви помогнам многу. Зборував со директорката Марина Грановскаја пред две недели и таа го знае моето мислење за тоа како да го подобриме тимот. Потоа јас одлучив да се фокусирам само на тоа што се случува на теренот, на натпреварите, тренинзите“, истакна Сари.

„Сега јас сум самоуверен затоа што знам дека Марина работи навистина напорно, но не знам ништо за трансфер пазарот затоа што сакам да се фокусирам на натпреварите. Не ја барам секој ден и не си ја трошам силата на трансфер пазарот. Мислам дека полесно е да ја трошам на теренот“, додаде Италијанецот.