Салемакерс по „покерот“ против Наполи: Луѓето заборавија дека Милан се уште е шампион на Италија!

Tимот на Милан вчера одигра одличен натпревар и го декласираше Наполи со убедливи 0:4 на гостински терен.

Наполи сезонава е далеку пред сите и убедливо ќе го освои Скудетото, а никој друг не ги надиграл израниците на Спалети како вчера „росонерите“. Фудбалерот на Милан, Салемакерс испрати порака по вчерашниот триумф.

„Во последните месеци луѓето како да заборавија кои сме ние бидејќи не игравме на високо ниво. Сега сакаме да ги потсетиме дека ние уште сме шампиони на Италија и така ќе биде до крајот на сезоната“.

Салемкарс беше и стрелец на еден од четирите голови.

„Голови како овој денес постигнував на тренинг, но никогаш на натпревар. Кога ја добив топката, само Жиру беше до мене и си помслив – ќе одам сам. За среќа се помина добро. Важно беше да победиме за поголема самодоверба пред натпреварите во Лигата на шампионите“, порача Салемакерс.

Ќе потсетиме, Милан во Лигата на шампионите го чека двомеч во четвртфиналето против истиот противник.