Салах спасил бездомник: Во моите очи тој ќе биде херој за цел живот! ?

Moхамед Салах можеби е голема светска ѕвезда, но никогаш не ја „изгуби“ главата и остана да биде она најважното – човек!

Кон крајот на септември Ливерпул го победи Арсенал на „Енфилд“, а Салах на враќањето кон својот дом застанал на една бензинска пумпа. Таму забележал како хулигани малтретираат еден бездомник. Во таа ситуација реагирал најчовечки, веднаш ги избркал хулиганите, а бездомникот по име Дејвид Крег го почастил со 100 фунти.

„Мо беше неверојатен, баш каков што е на теренот за Ливерпул. Слушна што ми зборуваат се сврте кон нив и им кажа дека не секој може да му се случи да има таква судбина“, изјави Крег за „Сан“.

Целата ситуација ја снимиле камерите на бензинската пумпа.

„Единствено што знам е дека не халуцинирав кога Мо дојде до мене и ми даде 100 фунти. Каква комплетна легенда. Во моите очи тој ќе остане херој за цел живот!“, порача Крег.

Крег е бездомник веќе шест години, откако се разделил со семејството. Ноќите и деновите тој ги поминува во близина на култниот „Енфилд“.