Сакраменто ја „реши“ Индијана, трет пораз во низа за Орландо, мечот на Далас одложен

Изминатата вечер во НБА лигата беа одиграни седум натпревар, а еден беше одложен поради проблеми со Ковид-19.

Сакраменто беа подобри од Индијана со 127:122 и за нив тоа беше петта победа оваа сезона, додека Индијана го запиша вториот пораз. И во овој меч Кингси покажаа колку добри кога се шутерски расположени. Веќе петти пат сезонава тие постигнуваат 60+ поени на полувреме (65:64). Хари Барнс беше најефикасен кај Сакраменто со 30 поени, 8 скока и 2 асистенции, на паркетот помина 37 минути. На другата страна Сабонис го заврши натпреварот со дабл-дабл учинок од 28 поени и 11 скокови.

Милвоки го доби Орландо со 121:99 и за Бакси тоа беше седма победа, а Орландо го претрпе петтиот пораз, трет во низа. Црногорецот Вучевиќ од редовите на Орландо беше најефикасен на натпреварот со 28 поени и 13 скока, во редовите на победничкиот тим Јанис Антотокумпо забележа 22 поени.

Натпреварот кој требаше да го играат Далас и Њу Орлеанс беше одложен.

НБА РЕЗУЛТАТИ: Шарлот – Њуорк 109:88, Кливленд – Мемфис 91:101, Орландо – Милвоки 99:121, Вашингтон – Феникс 128:107, Атланта – Филаделфија 112:111, Сакраменто – Индијана 127:122.