РФМ: Крај на ракоментата сезона, шампион нема – од следната сезона 16 екипи во Суперлига

Ракометната федерација на Македонија попладнево до сите клубови испрати предлог во кој се вели дека услови за продолжување на тековната сезона во овој период нема, а тоа би значело крај на сите шампионати. 

Според предлогот  РФМ нема да прогласи шампион додека местата во регионалната СЕХА лигата и европските купови ќе бидат распределени според критериумите на Федерацијата. 

Значајно е што Суперлигата наредната сезона ќе брои 16 екипи  кои ќе бидат поделени во две групи. Тоа би значело дека нема да има испаѓање плус ќе бидат вклучени четири екипи од Првата лига и екипите кои настапуваат во СЕХА лигата. 

Екипите ќе бидат поделени во две групи од по осум екипи, ќе се игра двокружен бод систем, вкупно 14 кола. Потоа ќе се формираат две групи, плејоф и плејаут. Во плејофот ќе бидат екипите пласирани од првото до четвртото место во двете групи, а останатите ќе играат во плејаутот.

Според овој предлог нови членови на Суперлигата би биле Астрион, Тиквеш, Прилеп и КЛ7.