Руни открива: Можев да заминам во Кина, но тоа не е мој стил

Англискиот напаѓач, Вејн Руни минатото лето одлучи да го напушти Манчестер Јунајтед и да се врати во Евертон каде и што ја започна својата блескава кариера.

Руни ги напушти „ѓаволите“ бидејќи беше јасно дека Мурињо повеќе не смета на неговите услуги. Иако имаше неколку богати понуди, а на крајот одлучи да се врати во Евертон.

Искусниот во разговор за англиските медиуми откри дека едноставно не можел да ја прифати понудата од САД или Кина каде што би заработувал многу повеќе. Руни порача дека не е фудбалер кој сака да игра само за пари.

„Минатото лето кога го напуштав Манчестер Јунајтед беше лесно да заминам во Кина или САД. Таму можев да заработувам многу повече, но тоа не сум јас. Сакам да постигнувам голови и да играм на високо ниво. Таа моја желба пресуди да останам во Англија“, изјави Руни.