Румениге: Санчез има донесено одлука и тој не е наша мета!

Алексис Санчез е фудбалер кој во текот на летото на големо се поврзуваше со Баерн Минхен, сепак овој трансфер не се оствари.

Генералниот директор на Баерн Минхен, Карл Хајнц Румениге зборуваше за трансферот на Алексис Санчез и можноста тој да заигра за клубот од Минхен.

На екипата од Минхен и е потребен фудбалер кој игра на позицијата на класичен напаѓач, а не крилен напаѓач, како што наведе Румениге, па поради тоа во Баерн истакнуваат дека нема да го доведат Чилеанецот.

„Мислам дека Санчез веќе одлучи каде ќе ја продолжи кариерата. Можеби ќе направи трнасфер во Јануари. Тој во овој момент не е наша мета бидејќи не е директна замена за Роберт Левандовски“, изјави Румениге.

Иначе, Алексис Санчез долго време се поврзуваше со Манчестер Сити, па можеби токму тој клуб е негова наредна дестинација.