Руд немаше сили за изненадување, Надал стигна до 22. гренслем титула!

Рафаел Надал издоминира во финалето против Каспер Руд и со 3:0 во сетови 6:3, 6:3 и 6:0 стигна до 22. гренслем титула во кариерата. Така сега има две повеќе од Ѓоковиќ и Федерер.

Патот на Руд до финалето во Париз беше сензационален, меѓутоа денес Надал уште на почетокот најави во каква насока ќе оди натпреварот. Шпанскиот тенисер направи брејк за 2:0, Норвежанецот намали на 1:2, а повторно Надал му го одзема сервисот и без проблеми го освои сетот со 6:3.

Во вториот сет Руд прикажа нешто подобра игра и имаше водство од 3:1, сепак тој период од добра игра беше се од него на овој меч. Надал освои три гема во низа и повторно го доби сетот со 6:3. Третиот сет беше само потврда на Надал за добриот настап.