Селекторот на Унгарија, Италијанецот Марко Роси синоќа по поразот од Германија изјави дека Германија е голем фаворит за освојување на Европското првенство.
Улични кучиња: Системски или човечки проблем? | Уште еден поткаст
Германската фудбалска репрезентација вчера во Штутгарт ја совлада репрезентацијата на Унгарија со 2:0, во натпреварот од второто коло од групата А на Европското првенство.
Германија се пласираше во осминафиналето, додека Унгарија има само теоретски шанси и мора прво убедливо да ја совлада Шкотска која одигра 1:1 со Швајцарија.
“Бевме вредни. Јас сум горд на моите играчи. Можеме да загубиме од Германија, која има играчи од светска класа. Им кажав на играчите дека нема за што да жалиме. Репрезентациите од светска класа како Германија играат подобро од нас. Мислам дека дека Германија е голем фаворит за освојување на европскиот шампионат“, изјави Роси.
Фудбалерите на Германија во последното коло ќе ги одмерат силите против Швајцарија, додека Унгарија ќе игра против Шкотска.
Учество во игри на среќа е дозволено за лица со 18+ години. Играј одговорно!