Роналдо: Трансферот во ПСЖ за Нејмар беше чекор назад

Интересно размислување на легендарниот Роналдо.

Еден од најдобрите напаѓачи на сите времиња Бразилецот Роналдо во својата кариера промени голем број клубови и веројатно добро знае што еден голем фудбалер треба да бира.

Роналдо кој со Бразил стигна до титулата на Светското првенство во 1994 и 2002 година го изнесе своето мислење за трансферот на неговиот сонародник во редовите на ПСЖ.

„Кога Нејмар премина од Барселона, тоа за него беше чекор назад, натпреварувачки чекор назад. Сепак, двете првенства и шпанското и француското претставуваат предизвик за себе. Јас од Барселона преминав во Интер бидејќи тогаш Серија А беше најсилно натпреварување во Европа“, изјави Роналдо.