Роналдо објасни зошто си заминал од Интер: Седнав и му кажав на Морати – Купер или јас!

Познатиот бразилски фудбалер, Луис Назарио де Лима Роналдо сподели интересен детал од својата богата кариера во која освои се што можеше да се освои.

Роналдо во младите денови играше за Барселона, пред да се пресели во Интер. Сега легендарниот Бразилец откри зошто си заминал од Милано.

„Во Милано бев пресреќен. Чувствував голема поддршка од навивачите, Но, го имавме Хектор Купер за тренер и не сакав да продолжам. Зборував со Морати и му кажав: Или ќе замине тој или јас, ние заедно не можеме“,

„Мојата приказна во Интер заврши лоши бидејќи Морати сакаше повеќе да го задржи Купер отколку мене, тогаш започна мојата приказна во Мадрид“, расакажа Роналдо за „ДАЗН“.

Роналдо после Интер направи трансфер во Реал Мадрид за сума од 25 милиони евра пред крајот на преодниот рок во 2002 година.