Роналдо изненаден: „Во Европа сме навикнати на тоа“

Кристијано Роналдо е суспендиран на два натпревари поради недолични гестови упатени кон некои навивачи кои го испровоцираа скандирајќи го името на Лионел Меси.

Дисциплинското тело на саудиската про лига го казни фудбалерoт со два меча суспензија, а доби и парична казна.

„Ги почитувам сите клубови. Мојот потег покажува сила, не е срамно и навикнати сме на тоа во Европа“, изјави Роналдо.

Како што пренесуваат англиските медиуми, Роналдо е казнет со два натпревари суспензија и парична казна.

Роналдо ќе ги пропушти натпреварите против Ал Хазма и Ал Раед но се очекува да го предводи тимот на мечот од азиската Лига на шампиони против Ал Аин од Обединетите Арапски Емирати.