Рома го создава поранешениот бековски тандем на лутиот ривал и тоа со засилување од Јувентус?

Според, „Кориере Дело Спорт“ екипата на Рома во јануарскиот преоден рок ќе се обиде да го доведе фудбалерот на Јувентус.

Станува збор за Стефан Лихштајнер. Интересно е што доколку Рома успее да го убеди Лихштајнер во својот тим би имале два бека кои минатата деценија го носеа дресот на лутиот ривал Лацио со оглед на тоа дека Лихштајнер и Коларов неколку сезони заедно ги бранеа боите на Лацио.

Рома има проблем со бековските позиции, се обиде со Бруно Перес кој на крајот се покажа како промашување, Бразилецот не ја оправда сумата од 12.5 милиони евра.

Лихштајнер има договор со Јувентус уште шест месеци и токму тоа би можела да биде препреката за трансфер во јануари. Имено, Јувентус сигурно не би сакал да засилува еден од главните конкуренти.