Робен во свој стил, ЛУД гол на Левандовски, „убавец“ на Бартра за утеха – Борусија ПРЕГАЗЕНА!

Во дербито на колото во германската Бундеслига екипата на Баерн Минхен едноставно ја „потопи“ Борусија Дортмунд со 1:3 на гостински терен.

Баерн започна одлично од самиот старт, а на првиот погодок се чекаше до 17 минута кога Арјен Робен во свој препознатлив стил со удар од работ на шеснаесетникот успеа да го совлада Роман Бурки. Потоа следуваа неколку прилики и пред голот на гостите, сепак погодок немаше.

Казната стигна веќе во 37 минута од средбата и тоа на каков начин. Роберт Левандовски постигнува луд погодок и со пета го лобуваше својот чуварот на мрежата на „милионерите“. Тоа беше и резултатот со кој се замина на полувремето.

Во вториот дел, Борусија започна многу подобро. Се редеа шанси пред голот на баварците, но недостасуваше реализација. И како што тоа често пати се случува, клуб како Баерн Минхен знаеше тоа го искористи. Давид Алаба имаше намера да го проигра Левандовски во петерецот, полскиот напаѓач не успеа да ја зафати топката, но сепак таа заврши во мрежата, па Баерн поведе со убедливи 0:3.

Одличен погодок во финишот на средбата постигна Марк Бартра кој беше само гол на утеха за „милионерите“. На крајот Борусија Дортмунд – Баерн Минхен, конечни 1:3.

Борусија Дортмунд полека после одличниот старт влегува во лоша серија, а ова за „милионерите“ беше и втор пораз во низа на домашен терен.