Заменик капитенот на репрезентацијата на Македонија, Стефан Ристовски не ја прифаќа улогата на фаворит пред стартот на новата сезона во Лигата на Нации каде што Македонија сега игра во Ц-дивизијата.
Во сабота играме против Ерменија во Скопје, а потоа на 8-ми септември гостуваме во Грузија. За овие два натпревари прашање е во каква форма се репрезентативците поради долгата пауза и поради коронавирусот.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
„Не се ставаме во улогата на фаворити затоа што коронава ни ги поремети брзините. Помина долг период, ова е прв меч, играме попладне и тоа не е логички, но…Како за нив, така и за нас. Ќе одиме чекор по чекор. Прво мислиме на Ерменија, па на Грузија, јас не би се ставил во улогата на фаворит. Како и да е и ние треба да сме спремни“.
„Треба малку време да се рестартиме, како да тргнеме од почеток, да се потсетиме на некои стари идеи и анализи. Подолго време изостанавме на репрезентативен план и сега треба да се стабилизираме“, изјави Ристовски.
Учество во игри на среќа е дозволено за лица со 18+ години. Играј одговорно!