Рекордна заработка на Тотенхем, приход од 306 милиони евра!

Англискиот фудбалски клуб Тотенхем соопшти дека во минатата финансиска година, заклучно со 30 јуни остварил рекорден приход од 306.3 милиони фунти.

Како што пренесе „Скај“ зголемувањто за 96.5 милиони фунти, односно 46% повеќе во однос на претходната година.

Голем дел од зголмувањето на приходите е поради продажбата на телевизиските и медиумските права. Почетокот на новиот договор од три години за телевизиските права во Премиер лигата му донесе заработка од 149.8 милиони фунти.

Тотенхем заработил 44.6 милиони фунти благодарение на учеството во групната фаза од Лигата на шампионите 1/16 финалето во Лигата на Европа.

Претседателот на Тотенхем, Даниел Леви изјави дека клубот се наоѓа во возбудлив момент во својата историја, посебно бидејќи се ближи завршувањето на изградбата на новиот стадион.