Рекорден број заразени со Ковид во Премиер лигата

Премиерлигата пријави рекордни 40 позитивни случаи на коронаворус, во првата седмица кога клубовите се тестираат по два пати.

Тестовите биле направени во периодот од 28 декември до 3 јануари во сите 20 премиерлигашки клубови.

Тестирањето една недела порано откри рекордни 18 позитивни случаи во тоа време, но сега значително повеќе, што секако е загрижувачко.

„Лигата продолжува да има доверба во своите протоколи за Ковид-19, кои се целосно поддржани од владата, за да дозволи натпреварите да се играат според предвидениот рок“, се вели во соопштението.

Премиерлигата и натаму инсистира дека нема потреба од прекин во натпреварувањето, нешто што не го сакаат ниту клубовите со оглед на густиот распоред.