Реконструкција во нападот на Атлетико: Кој ќе го добие Мората за „ситница“?

Атлетико Мадрид oдлучи да го продаде и Алваро Мората.

Откако се појавија информации дека Атлетико Мадрид и Мемфис Депај меѓусебно ќе го раскинат договорот, пристигна и вест дека на излезна врата е и Алваро Мората.

Според Фабрицио Романо, Мората ќе биде продаден во случај на понуда од 12 милиони евра.

Со оглед на модерниот фудбалски пазар, ова не е висока цена за напаѓач со реноме на Мората.

Не може да се каже дека во текот на неговата кариера беше меѓу најдобрите, но настапуваше за најголемите клубови како Реал Мадрид, Јувентус, Челзи и Атлетико Мадрид.

Мората има „силно CV“ и сигурно ќе има доволно понуди за избор ова лето.

Не се знае во кој правец гледа Мората, веројатно ќе го чека расплетот со тренерите, бидејќи сведоци сме дека ширум Европа има големи тренерски промени.