Револуција: Мундијал со 48 репрезентации – Европа добива 16 места!

Фудбалските репрезентации од Европа ќе добијат само 16 места на Светското првенство во 2026 година кое ќе се игра во нов формат со 48 репрезнетации.

Светската фудбалска федерација (ФИФА) објави колку места ќе добијат континенталните федерации. Европа ќе партиципира со најмногу репрезентации, но со помала бројка од она што го очекуваше УЕФА.

CAF (Африка) доби девет места, AFC (Азија) осум, CONCACAF (Северна Америка, Централна Америка, Кариби) шест, CONMEBOL (Јужна Америка) шест и OFC (Океанија) едно место.
UEFA (Европа) на Мундијалот во 2026 година ќе партиципира со 16 репрезентации.

Преостанатите две места се резервирани за домаќинот, односно за победникот на плејоф турнирот, на кој, со исклучок на УЕФА, ќе учествуваат преставници од сите континентални федереции.

Конечната одлука ќе биде донесена на 9.мај на седницата на советот на Светската фудбалска федерација.