Ребиќ: Не сакам играчи како Игуаин, Ибра добива многу ќотек па не плаче

Кога пред неколку кола во Серија А Милан го победи Јувентус со 4:2 откако прво губеше со 0:2 еден од подобрите на теренот беше Анте Ребиќ.

Сега Ребиќ во разговор за „Sportskweek“ зборуваше за играчите на Јувентус, а посебно го разочарале Гонзало Игуаин и Бернардески

„Постојат двајца Ребиќ. Приватно сум тивок, помалку повлечен, не сакам луѓето да зборуваат за мене. На теренот Анте е поинаков и на никого не му останува должен. Во еден момент од натпреварот со Јувентус на Игуаин му кажав дека не сакам играчи како него кои се големи и силни, а паѓаат по најмал контакт. Исто важи и за Бернардески…Ибрахимовиќ добива многу ќотек, но никогаш не плаче“, порача Ребиќ.

Во овој натпревар имаше и ситуација во која кога Јувентус водеше со 0:2 Шчесни му се потсмеваше на Хрватот.

„Нешто му кажав на Игуаин, а тогаш Шчесни дофрли: Губите 2:0, немој да се правиш нешто…Не му одговорив, вообичаено би му одговорил, но тогаш одговорив на друг начин. Не сакам кога луѓето ме потценуваат“, заврши Хрватот.

Ќе потсетиме Ребиќ во тој натпревар го постигна последниот гол за Милан.