Реал ќе може да купува: Започнува походот по новиот „галактикос“

Само неколку часа откако беше соопштено дека е намалена казната на Реал Мадрид веднаш започнаа шпекулациите за тоа која ќе биде новата голема ѕвезда во „кралската галаксија“.

Со оглед на фактот дека Реал Мадрид ќе може слободно да купува нови фудбалери следното лето медиумите тврдат дека првото име е Пјер Емерик Обамејанг, кој е голема желба на претседателот Флорентино Перез.

Ни самиот Обамејанг не крие дека е отворен за преселба во Реал Мадрид и дека неговиот сон е да заигра на „Сантиаго Бернабеу“.

Реал моментално на таа позиција ги има Алваро Мората и Карим Бензема, па со оглед на фактот дека Шпанецот е помлад и добро се покажа оваа сезона, Французинот ќе биде тој кој што ќе го напушти клубот за да направи место за Обамејанг.