Реал сакал да го „украде“ Пакета, Фламенго потврди: Договорот е веќе потпишан!

Бразилскиот клуб Фламенго денес потврди дека е постинат договор со Милан за трансфер на 21-годишниот Лукас Пакета
.
Вчера шпанска „Марка“ пренесе дека Реал Мадрид сакал во последен момент да го „украде“ играчот пред носот на Милан.

„Кралевите“ го контактирале бразилскиот клуб и наводно понудиле повеќе пари, но било доцна, Фламенго веќе потпишал договор со Милан.

„Вистина е дека многу европски клубови го сакаа Пакета, но ние веќе постигнавме договор со Милан и ставивме потписи. Сон на секој играч е да игра во Европа, а Милан е еден од најголемите клубови во светот. Доставија добра понуда и ние ја прифативме. Трансферот е веќе договорен“, изјави претседателот на Фламенго.

Пакета важи за еден од најголемите бразилски таленти и неодамна дебитираше за бразилската репрезентација, а на Милан ќе му се приклучи на 3-ти јануари кога ќе биде отворен зимскиот преоден рок.