Реал Мадрид ја сака младата ѕвезда на Спортинг

Реал Мадрид е заинтересиран за дефанзивецот на Спортинг Лисабон, Нуно Мендеш, пренесуваат шпанските медиуми.

18-годишниот дефанзивец е младински репрезентативец на Португалија и важи за еден од најголемите таленти во Европа.

Мендеш може да игра како лев бек и како стопер, а за него интерес покажуваат многу европски гиганти.

Неодамна Мендеш потпиша професионален договор со Спортинг Лисабон до 2025 година, но „кралевите“ веќе стапиле во конаткт со неговиот менаџер и сакаат да го донесат на „Сантиаго Бернабеу“.

Во сезоната 2019/20, Нуно Мендеш одигра 17 натпревари за Спортинг У23, еден натпревар за екипата на У19, а исто така запиша и 9 настапи за првиот тим на Спортинг.

Можно е Реал Мадрид да го купи талентот ова лето и да го остави во Португалија на позајмица најмалку уште една година.