Реал Мадрид на Рудигер му нуди договор на пет години и 11 милиони евра по сезона

Иднината на германскиот дефанзивец Антонио Рудигер во Челзи и понатаму не е сигурна.

Договорот на Рудигер со Челзи истекува на крајот на сезоната и ако не биде продолжен тој ќе си замине бесплатно. Бидејќи влегува во последните месеци од неговиот договор шпекулациите за заминување стануваат се погласни.

Сега се пренесува дека Реал Мадрид на Рудигер му понудил договор на пет години со плата од 11 милиони евра по сезона.

Меѓутоа опција за Рудигер е и Бундеслигата. Таму Баерн Минхен е во потрага по замена за Никлас Суле кој кариерата по завршувањето на сезоната ја продолжува во Борусија Дортмунд.

Сезонава во дресот на Челзи Рудигер одигра 34 натпревари во сите натпреварувања и постигна три голоа. Во Челзи Германецот е од 2017 година.