Реал Мадрид и Манчестер Сити во битка за фудбалер на Евертон

Дефанзивецот на англискиот премиерлигаш Евертон Џерад Брантвејт (21) се најде на мета на гигантите Манчестер Сити, Тотенхем и Реал Мадрид.

Брентвејт ја започна својата кариера во Карлајл Јунајтед, а во 2020 година се пресели на „Гудисон Парк“. Евертон прво го испрати на позајмица во Блекбурн и ПСВ, а оваа сезона се избори за место во првиот тим и забележа 31 настап и два гола во сите натпреварувања.

Настапуваше за младата репрезентација на Англија до 20 и до 21 година, но се уште не дебитирал за сениорската селекција, иако беше на клупата во поразот од Бразил (1:0) во пријателскиот натпревар на саботата.

Англиските медиуми тврдат дека Евертон за него ќе бара отштета од околу 60 милиони евра. Од друга страна, Трансфермаркт како сајт специјализиран за вредностите на фудбалерите наведува сума од 30 милиони евра. Евертон се наоѓа на 16. место во Премиер лигата со 25 бода, четири над зоната за испаѓање.