Реал Мадрид за синот на легендарниот аргентински фудбалер плаќа 15 милиони евра?

Шпанските медиуми пренесуваат дека Реал Мадрид е заинтересиран да го доведе 20-годишниот играч за врска на Аргентинос Јуниорс Федерико Редондо кој е син на легендарниот Фернандо Редондо.

Легендарниот Редондо најголемата трага ја остави токму во дресот на Реал Мадрид. Во своите редови младиот Редондо сака да го види и Диего Симеоне од Атлетико Мадрид, меѓутоа се споменуваа уште Ливерпул и Манчестер Јунајтед.

Се уште не е познато дали Реал е спремен уште сега да го доведе Редондо или пак на лето, но извесно е дека младиот Аргентинец го минува последниот период во Аргентина.

Ќе потсетиме, неговиот татко исто така започна во Аргентинос Јуниорс од каде што се пресели во Тенерифе, а подоцна играше за Реал Мадрид и Милан.