Реал и Арсенал спремаат трампа која ќе го „потресе“ фудбалскиот свет!

Шпанските медиуми денес лансираа вистинска „бомба“ и тврдат дека Реал Мадрид и Арсенал подготвуваат трампа на фудбалери која ќе го „потресе“ целиот фудбалски свет.

Карим Бензема во Арсенал, Алексис Санчез во Реал Мадрид, е веста која денес го разбранува фудбалскиот свет.

Наводно Арсенал е свесен дека нема да може да го задржи Чилеанецот во своите редови и ќе направи се за тој да не заврши во некој друг клуб од Премиер лигата.

Во траката за потписот на Санчез после ПСЖ, Интер и Јувентус се приклучи и Реал Мадрид, бидејќи Зидан смета дека тој би бил идеално засилување за „кралевите“.

Сепак, Арсенал има услов и во спротивен правец го бара Карим Бензема, напаѓач кој веќе долго време е на радарот на „топџиите“.

Бензема оваа сезона често е мета на критики во Шпанија, па многумина сметаат дека е време да ја промени средината, а Премиер лигата секако е прва опција за него.

Реал сака да формира напаѓачко трио Роналдо – Санчез – Бејл и смета дека Чилеанецот лесно ќе се вклопи во тимот бидејќи има искуство во Примера.